荃灣新開業米線店非常抵食！

米線二雲南過橋米線 今次要介紹荃灣新開一間叫「米線二雲南過橋米線」，呢間米線店啱啱先喺4月1日試業，行開附近嘅我見到未食Lunch有一於入去食，米線店門口係有一級，輪椅人士要帶定斜板先可以入去食或外賣拎走！ 入到呢間米線店見到裝修主要係紅磚牆，裝修簡約，咪以為米線唔好味，佢哋米線湯底主要分三種：清湯、酸辣同新疆滿滿孜然味。辣度就分咗六種辣度：唔辣（走肉碎）、肉碎辣、小辣、中辣、大辣同勁辣（加$7）。麵底就有得揀米線或薯粉！ 有選擇困難症嘅我，揀餸係一件好煩嘅事，一於就咁叫過橋米線，因為已經包含咗九個餸，最得意就係肉碎辣，肉碎辣就等小小辣，整碗過橋米線超多餸超大碗，我工人姐姐唔食豬肉都可以幫我走埋，店員好細心將含豬肉嘅餸放落我碗米線度，換著其他米線店彩我都傻！ 1.過橋米線（新疆滿滿孜然味,大辣）（米線、芽菜、酸菜、韭菜、肉碎（小小辣）、蟹柳、腐竹、火腿、雞翼尖）$58+凍檸檬茶$8（跟餐優惠$8）（9.5/10） 呢碗米線彈牙唔會過淋，米線掛哂汁，新疆滿滿孜然粉大辣唔好以為好咸，唔好以為孜然粉味好重，不過辣度真係好特別，我工人姐姐都讚好食，夠哂辣！，除咗上面九個餸，蟹柳有2條、雞翼尖6舊、腐竹4片、火腿2片，原來每碗仲有1粒魚蛋、1粒墨魚丸同1粒貢丸，超滿足！好抵食！ 凍檸檬茶：原價散叫一杯要$13，依家跟餐優惠只係加$8，檸檬有4片，味道正常，唔會太甜，好飲！ 2.過橋米線（酸辣肉碎辣）（米線、芽菜、酸菜、韭菜、肉碎（小小辣）、蟹柳、腐竹、火腿、雞翼尖）$58+凍柚子蜜$8（跟餐優惠$8）（9.5/10） 我唔敢叫大辣，今次叫咗酸辣肉碎辣，呢碗米線彈牙唔會過淋，米線掛哂汁，除咗上面九個餸，蟹柳有2條、雞翼尖6舊、腐竹4片、火腿2片+2片，原來每碗仲有1粒魚蛋、1粒墨魚丸同1+1粒貢丸，超滿足！好抵食！ 凍柚子蜜：原價散叫一杯要$13，依家跟餐優惠只係加$8，柚子肉算多，飲落去唔算甜，好飲！ 3.香脆雞球$32（9.5/10） 呢碟香脆雞球一共有5大舊，一咬落去好脆，雞球內裏多汁嫩滑，好好食！ 4.麻辣豬耳$36（9.5/10） 呢碟麻辣豬耳份量算多，大約有20條豬耳，豬耳上有白芝麻粒，咬落豬耳除左有「啪啪聲」，仲有白芝麻香，真係好唔錯！ 2人總共價錢$200 個人口味總評分：9.5/10 地址：荃灣大壩街5-7號仁蕙苑地下3-4號舖 Please follow me🙆‍♂️ @wheelchaireatinhongkong  如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #米線二雲南過橋米線#過橋米線#米線店#荃灣#香港美食#荃灣美食#荃灣好去處#hkig#hkboy#hkfoodie#hkfoodblogger#hkfoodpic#hkfoods#hkfoodshare#dessert#hkdessertshop#food#hkfoodstagram#hkfoodpic#hkigfood#foodiehk#yummy#delicious#foodie#hkfoodieblogger#hkfoodies#wheelchaireatinhongkong#打卡相我攞獎 #香氣四溢 #社群歎世界